✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Yadda ake yin salak din tumatir da kokumba

Yin sa na da sauki kuma yawan cin sa na kara lafiya.

A yau mun kawo maku yadda ake yin salak din kokumba da tumatir, wanda yin sa na da sauki kuma yawan cin sa na kara lafiya.

Kayan hadi:

  • Kokumba
  • Tumatir
  • Albasa
  • Tatasai
  • Gyanyen parsley
  • Man zaitun
  • Ruwan kal (Vinegar)
  • Gishiri
  • Sugar
  • Bakin barkono

Yadda ake hadi

  1. A yi amfani da gishiri a  wanke tumatir, kokumba, albasa, tatasai da gyanyen parsley, sai a daureye sosai a sa kowanne a gwagwa ya tsane.
  2. A yayyanka kowanne daga cikinsu a ajiye a gefe guda.
  3. Sai a samu kwano mai zurfi a zuba su a ciki.
  4. A barbada bakin barkono, gishiri da sukari sai a juya.
  5. Sai a sa vinegar da man zaitun a sake guyawa sosai.

Shi kenan salad ya yi sai ci.

A ci dadi lafiya.