Yadda Zulum ya halarci jana’izar manoma 43 da aka yi wa yankan Rago

A ranar Lahadi, Gwamna Babagana Umara Zulum na jihar Borno, ya halarci sallar jana’izar manoma 43 da mayakan Boko Haram suka yi wa yankan Rago.

Aminiya ta ruwaito cewa a Asabar din da ta gabata ne mayakan suka yi wa akalla manoma 40 dirar mikiya a gonaki, suka daddaure su, suna yankawa a kauyen Koshobe, da ke Zabarmari, Karamar Hukumar Jere.