’Yan bindigar da suka yi garkuwa da mahaifin Shugaban Karamar Hukumar Bwari da ke Abuja, John Shekwogaza, sun bukaci Naira miliyan 100 a matsayin kudin fansa.
A ranar Talata Aminiya ta rawaito yadda ’yan bindigar suka shiga kauyen Tokulo, a Abuja suka yi garkuwa da mahaifin Shugaban Karamar Hukumar da kuma wasu mata biyu.
- Gwamnatin Kano ta rufe masallacin Sheikh Abduljabbar kan ‘batanci ga Sahabbai’
- Marayun Abuja sun kubuta daga hannun ’yan bindiga
- Daliban jami’ar Abuja na zanga-zanga kan karin kudin makaranta
Iyalan dattijon sun bayyana cewa “A yammacin ranar Talata ne suka kira mu a waya suna bukatar N100m kafin su sake shi.”
Sun ce tun bayan sace mahaifin nasu sun kasa samun sukuni, amma suna rokon su kan su rage kudin da suke bukata.
Kakakin ’yan sandan Abuja, ASP Maryam Yusuf, ba ta dauki waya ko mayar da sakon wakilinmu bare mu ji ta bakinta kan lamarin.
