Wasu ’yan bindiga da ba a san ko su wane ne ba sun kashe wani makiyayi suka kuma yi awon gaba da shanunsa a Jihar Filato.
Kungiyar makiyaya ta Miyetti Allah (MACBAN) ta ce an kashe makiyayin mai suna Jabiru Halilu ne a kauyen K/Vom da ke Karamar Hukumar Jos ta Kudu a ranar Juma’a.
Sakataren MACBAN a Karamar Hukumar Riyom ta Jihar Filato ya ce an harbi Jabiru a kai ne a lokacin da yake kiwon dabbobinsa aka kuma sace dabbobin.
- Makiyayin da ya so auren diyar Shugaban Kasa
- An kama shi yana wa karamar yarinya fyade a cikin masallaci
- Wani matashi ya yi yunkurin kashe kansa kan auren Hanan Buhari
Ya ce daga baya ne jami’ai daga Babban Ofishin ’Yan Sanda na K/Vom suka tsinci gawar mamacin,
Wakilinmu ya yi kokarin samun karin haske daga Kakakin ’Yan Sandan Jihar Filato, DSP Ubah Gabriel amma bai amsa kiran waya ko rubutaccen sakon da ya aika masa ba.
