’Yan bindiga a Jihar Zamfara sun sace shugaban Kwalejin Fasaha da Kimiyyar Dabbobi ta Jihar, Habibu Mainasara.
An dai sace shi ne daga gidansa da ke garin Bakura da sanyin safiyar ranar Lahadi.
- ’Yan bindiga sun sace sarki da iyalansa 12 a Kaduna
- Mukabalar Kano: Za a gurfanar da Abduljabbar a gaban kotu
Har yanzu dai babu cikakkaun bayanai kan lamarin.
Hakan na zuwa ne ’yan sa’o’i kadan bayan ’yan bindigar sun hallaka kimanin manoma 40 a wansu jerin hare-hare da suka kai kauyuka biyar da ke Jihar.
Sassa da dama na Najeriya dai sun jima suna fuskantar matsalar tsaro kuma dukkan wani yunkuri na magance matsalar na neman ya gagari Kundila.
Harin da kuma na zuwa ne ’yan sa’o’i bayan wasu ’yan bindigar sun kai hari Fadar Sarkin Kajuru a Jihar Kaduna tare da tafiya da sarkin da kuma wasu iyalansa 12.
