’Yan bindiga sun sako 15 daga cikin daliban makarantar sakandiren Bethel da ke Karamar Hukumar Chikun a Jihar Kaduna.
A baya dai ’yan bindigar sun sako 28 daga cikin daliban ranar Lahadi, 25 ga watan Yulin 2021, bayan rahotanni sun nuna an biya diyyar Naira miliyan 50, kwana 20 da sace su.
- Abin da ya sa na shirya fim din ‘A duniya’—Tijjani Asase
- HOTUNA: Yadda aka gudanar da bikin ba Sarkin Bichi sandar mulki
Daliban dai wadanda yawansu ya kai kimanin 121, a cewar Shugaban Ikilisiyar Baptist ta Kaduna wanda kuma shi ne mai makarantar, Rabaran Ishaya Jangado an sace su ne ranar biyar ga watan Yulin 2021.
A ranar dai ’yan bindiga suka yi wa makarantar da ke garin Damishi da ke kan hanyar Kaduna zuwa Kachia dirar mikiya da misalin karfe 2:00 na dare sannan suka tafi da daliban.
To sai dai Shugaban Kungiyar Kiristoci ta Jihar Kaduna (CAN) Rabaran John Hayab ya tabbatar da sako 15 daga cikin daliban da daren ranar Asabar.
