’Yan bindigar da suka sace dalibai da malamai a Kwaleji Gwamnatin Tarayya da ke Birnin Yawuri a Jihar Kebbi sun fitar da hotunan wasu daga cikinsu.
Dalibai da dama ne da har yanzu ba a kai ga sanin adadinsu ba da kuma malamai hudu ne ’yan bindigar suka sace daga makarantar bayan sun ci galaba kan masu gadinta a makon da ya gabata.
- Masu zanga-zangar neman Buhari ya sauka sun fara kone-kone a Abuja
- SSS ta kama mawaki a Kano kan wakar batanci
Daga bisani dai sojoji sun ce sun kwato wasu daga cikin daliban bayan musayar wuta da ’yan bindigar.
Gwamnan Jihar ta Kebbi, Atiku Bagudu dai ya tabbatar wa da iyayen daliban cewa gwamnatinsa na iya bakin kokarinta wajen ganin ta kubutar da su.
Daya daga cikin malaman makarantar da bai amince a ambaci sunansa ba ya tabbatar wa da Aminiya ranar Litinin cewa hotunan na ’yan makarantar ne.
Ga wasu daga cikin hotunan:
