’Yan Kasuwar Kantin Kwari da ke Kano 18 da aka yi garkuwa da su a hanyarsu ta zuwa garin Aba domin kasuwanci sun koma ga iyalansu bayan masu garkuwar sun sako su.
Daya daga cikinsu, Abdulkarim Hassan, ya tabbatar wa Aminiya cewa yawancinsu da suka dawo Kano bayan an biya kudin fansa, suna samun kulawa a asibiti saboda dukan da suka sha a hannun masu garkuwar.
- ’Yan kasuwar Kano da aka yi garkuwa da su sun kubuta
- Tsoron iyayenmu na hana maza neman aurenmu —’Yan matan barikin soja
- An kama kwarto ya haka ramin da ke kai shi gidan auren tsohuwar budurwarsa
- An kama ’yan uwa 3 sun kashe mai gadi
“Yau (Lahadi) da safe muka iso Kano bayan an sako mu jiya; muna godiya ga daukacin wadanda suka taya mu da addu’o’i da wadanda suka taimaka aka biya kudin fansar,” inji Abdulkarim.
Sai dai bai yi karin haske game da kudin fansan da aka biya ba domin a sako su.
’Yan kasuwar su 18 sun fada hannun masu garkuwa da mutane ne a garin Okene, Jihar Kogi a yayin da suke hanyarsu ta zuwa fataucin yaduka a garin Aba, Jihar Abiya a ranar Lahadin makon jiya.
