’Yan sanda sun tarwatsa taron masu zanga-zanga daga jam’iyyar siyasa ta SPN, da hukumar zabe ta kasa (INEC) ta soke.
Akalla mutum 15 ne ’yan sandan suka kama, a lokacin taron zanga-zangar da ’yan rusasshiyar jam’iyyar suka gudanar ranar Alhamis a Jihar Legas.
Mutanen na zanga-zangar soke jam’iyyar SPN da INEC ta yi ne sabanin umarnin Kotun Daukaka kara; suna kuma kira da a soke karin farashin man fetur da wutar lantarki da aka yi a Najeriya
’Yan jam’iyyar sun fara tattakin ne daga Sakatariyar Kungiyar Kwadago ta NLC da ke Yaba, kafin ’yan sanda su tarwatsa su a Ojuelebga inda aka tsare wasu daga cikinsu.
