✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Yau take Ranar Hausa ta Duniya ta 2021

Taken ranar a wannan shekara shi ne Raya Sunaye na Hausa.

A yau ake bikinin Ranar Hausa ta Duniya wadda a duk shekara ake gudanarwa a ranar 26 ga watan Agusta.

Taken ranar a wannan shekara shi ne Raya Sunaye na Hausa.

Daya daga cikin manyan manufofin Ranar Hausa ta Duniya shi ne ganin harshen Hausa ya samu wurin zama a manyan cibiyoyin duniya irinsu Majalisar Dinkin Duniya a matsayin harshen da ke wakiltar nahiyar Afirka.

A ranar 26 ga watan Agusta, 2015 ne aka fara a bikin Ranar Hausa a shafin sadarwa na Twitter.

 

 

 

 

Abdulbaki Jari ne ya assasa Ranar Hausa a matsayin wata hanya wadda za a zaburar da matasa domin su rungumi harshensu da al’adunsu masu kyau.

Daga bisani sai bikin ya watsu a sauran kafafen zumunta da gidajen yada labarai.

A shekarar 2020 da ta wuce, an yi bikin a sama da kasashe 15 a fadin duniya cikinsu har da Faransa da Amurka da China da kuma a Hadaddiyar Daular Larabawa (UAE).

Hausa dai shi ne harshe mafi girma a Afirka, kuma mutum sama da miliyan 150 ne ke anfani da harshen a fadin duniya.

Akwai manyan jami’o’i a fadin duniya wadanda suke koyar da Hausa, da kuma manyan kafafen yada labarai na duniya da ke amfani da harshen.