Sojojin Najeriya sun kama wani babban dan kungiyar Boko Haram, Yawi Modu, wanda suke nema ruwa a jallo.
Dakarun rundunar Operation Hadin Kai (OPHK) da ke yaki da Boko Haram a yankin Arewa maso Gabsa sun kama Yawi Modu ne a kan hanyar Damboa zuwa Wajiroko.
- ’Yan bindiga sun yaudari jama’a da kiran sallah sun kashe su
- An kai hari gonar Obasanjo an yi gakuwa da ma’aikata
Kakakin Rundunar Sojin Kasa ta Najeriya, Birgediya Onyema Nwachukwu, ya sanar a Abuja ranar a Alhamis cewa sojoji sun kwace abubuwan fashewa masu tarin yawa a wata cibiyar hada abubuwan fashewar Boko Haram a Karamar Hukumar Damboa ta Jihar Borno da kuma Gushua a Jihar Yobe.
Ya kara da cewa sojoji sun tarwatsa masu sayar wa kungiyar ta Boko Haram kayan hadin abubwan fashewar Boko Haram.
