Babban Alkalin Jihar Kano, Mai Shari’a Nura Sagir, ya amince da nadin karin alkalai 34 a kotunan Musulunci da ke Jihar.
Mai magana da yawun Ma’aikatar Shari’ar Jihar Kano, Baba Jibo-Ibrahim, ya ce Babban Alkalin ya amince da nadin alkalan ne bayan sun ci jarabawar da Hukumar Kula Harkokin Shari’a ta Kasa (NJC) ta gudanar.
- ’Yan fashi sun yi hatsari a hanyarsu ta tserewa
- Maganin gargajiya ya yi ajalin mutum 10 ’yan gida daya
Game da rantsar da alkalan, ya ce, “Ana bukatar sabbin Alkalan Kotunan Shari’ar Musuluncin da za a rantsar ranar Juma’a 25 ga watan Yuni 2021 da su hallara a Babbar Kotu da misalin karfe 10.00 na safe.”
Ya bayyana hakan ne a sanarwar da ya fitar a safiyar Alhamis wadda ke tababtar da nadin sabbin alkalan.
