Sabon Kwamishinan ’Yan Sandan Jihar Gombe, Ishola Babatunde Babaita, ya gargadi bata-gari da cewa su tattara komatsansu su bar gari don yanzu ba su da mafaka a Jihar.
CP Babantunde, ya bayyana hakan ne a lokacin da yake hira da manema labarai a Hedikwatar ’Yan Sandan a lokacin da ya shiga ofis.
- Saudiyya ta mayar da Sallar Taraweeh minti 30
- Mutanen gari sun kone ’yan bindiga 3 kurmus a Katsina
- Pantami zai maka kafar da ta zarge shi da ta’addanci a kotu
- ’Yan bindiga sun kashe ’yan banga a kasuwa a Neja
Ya ce ya zo ne domin yi wa Gombe aiki, don haka bata-gari su kwana da sanin cewa daga yanzu ba sani, ba sabo.
A cewarsa, yana da zafi a kan abin da ya danganci cin hanci, kuma ko da dan sanda aka kama da laifi, to zai fuskanci fushin hukuma.
Daga nan sai ya nemi hadin kan al’ummar Gombe a manufarsa ta kawo gyara, kuma a matsayinsa na tsohon dan sanda, ba zai bari ’yan ta’adda su kawo wa jama’a matsala ba muddin yana kan kujerarsa.
