Iyayen dalibai 39 da aka sace a Kwalejin Gandun Daji ta Tarayya da ke Afaka, Jihar Kaduna sun yi zanga-zanga a Abuja don neman a kubutar da ragowar daliban 29 da suka rage a hannun ’yan bindiga.
Sun yi zanga-zangar ne tare da kungiyar daliban kwaleijin, kwanaki kadan bayan ’yan bindiga sun yi barazanar kashe ragowar daliban da suka sace daga Jami’ar Greenfield da ke Jihar, idan ba a biya kudin fansa ba.
- An kama ’yan damfara masu kwaikwayon muryar aljanu a Katsina
- Biyan kudin fansa ga masu garkuwa da mutane haramun ne —Farfesa Maqari
Gwamnatin Jihar Kaduna ta lashi takobin rashi tattaunawa ko biyan kudin fansa ga ’yan bindiga.
