Lionel Messi da Erling Haaland na daga cikin wadanda za su fafata neman zama gwarzon duniya da zai lashe kambun Ballon d’Or na bana.
A gefe guda kuwa, tauraruwar gasar cin kofin duniya ta Spain, Aitana Bonmati, ke jagorantar wadanda aka zaba a ranar Laraba don samun lambar yabo ta mata.
- 2023: Kotu ta tabbatar da nasarar Tinubu a zaben Shugaban Kasa
- Kotu ta yi watsi da da’awar Atiku cewa Tinubu dan kasar Guinea ne
Messi, wanda kwanan nan ya raba gari da kungiyar kwallon kafa ta PSG zuwa Inter Miami, yana cikin jerin ‘yan wasan da aka zayyano tare da Karim Benzema.
Messi na iya samun damar lashe Ballon d’Or karo na takwas, bayan rawar da ya taka wajen jagorantar Argentina wajen lashe gasar cin kofin duniya da aka yi a Qatar a bara.
Haaland na iya zama babban abokin hamayyarsa wajen lashe kyautar bayan ya zura kwallaye 52 a wasanni 53 da ya taimaka wa Manchester City ta lashe gasar zakarun Turai da Firimiyar Ingila da kuma kofin FA a kakar wasan da ta gabata.
Dan wasan gaba na Norway, a makon da ya gabata ya lashe kyautar gwarzon dan wasan UEFA na shekarar da ta gabata.
Dan wasan gaban PSG, Kylian Mbappe da Haaland da Kevin de Bruyne, na daga cikin ‘yan wasa 30 da aka zaba don lashe kyautar.
Za a yi bikin ba da kyautar a birnin Paris na kasar Faransa a ranar 30 ga watan Oktoban wannan shekara.
Ga jerin sunayen ’yan wasa 30 da aka zabo domin lashe kyautar:
1. André Onana – Manchester United/Kamaru
2. Josko Gvardiol – Manchester City/Croatia
3. Karim Benzema – Al Ittihad
4. Jamal Musiala – Bayern Munich/Jamus
5. Mohamed Salah – Liverpool/Masar
6. Jude Bellingham – Real Madrid/Ingila
7. Bukayo Saka – Arsenal/Ingila
8. Randal Kolo Muani – Paris Saint-Germain/Faransa
9. Kevin De Bruyne – Manchester City/Belgium
10. Bernardo Silva – Manchester City/Portugal
11. Emiliano Martínez – Aston Villa/Argentina
12. Khvicha Kvaratskhelia – Napoli/Georgia
13. Rúben Dias – Manchester City/Portugal
14. Nicolo Barella – Inter Milan/Italy
15. Erling Haaland – Manchester City/Norway
16. Yassine Bounou – Al Hilal/Moroko
17. Martin Ødegaard – Arsenal/Norway
18. Julián Álvarez – Manchester City/Argentina
19. Ilkay Gündogan – Barcelona/Germany
20. Vinícius Júnior – Real Madrid/Brazil
21. Lionel Messi – Inter Miami/Argentina
22. Rodri – Manchester City/Spain
23. Lautaro Martínez – Inter Milan/Argentina
24. Antoine Griezmann – Atletico Madrid/Faransa
25. Robert Lewandowski – Barcelona/Poland
26. Kylian Mbappé – Paris Saint-Germain/Faransa
27. Kim Min-Jae – Napoli/South Korea
28. Victor Osimhen – Napoli/Najeriya
29. Luka Modric – Real Madrid/Croatia
30. Harry Kane – Bayern Munich/Ingila
