Gwamnatin sojin kasar Mali ta ce an kai harin kunar bakin wake a wani sansanin sojinta a safiyar Juma’a.
Gwamnatin da ke kokarin murkushe ’yan ta’adda ta ce akwai sarkakiya a harin kunar bakin wake da aka kai kusa da filin jirgi da ke sansanin sojin a yankin Gao da ke Arewacin kasar.
- Yadda sojoji suka kashe ’yan ta’adda 817, suka ceto mutum 720 a wata 3
- Sojoji da fararen hula 64 sun mutu a harin ta’addanci a Mali
Zuwa yanzu dai gwamnatin ba ta yi karin haske kan harin kunar bakin waken ba.
An kai sabon harin ne washegarin da ’yan ta’adda suka kai hare-hare kan wani sansanin soji da wani jirgin ruwan fasinja, suka kashe sojoji da fararen hula 64 a Arewacin kasar a ranar Alhamis.
