An gudanar da jana’izar tsohon Gwamnan Jihar Yobe, Sanata Bukar Abba Ibrahim a Masallacin Harami da ke birnin Makkah a kasar Saudiyya.
A safiyar Litinin, bayan Sallar Subahi aka yi jana’izar tasa tare da wasu mutane kimanin 20.
Sanata Bukar Abba ya rasu ne sakamakon jinya da ya yi fama da ita a Asibitin Saudi-German da ke Saudiyya.
Ya rasu yana da shekaru 75, ya bar mata biyu da ’ya’ya da jikoki.
