Gwamnatin Jihar Filato ta sanya dokar hana fita tsawon awa 24 a Karamar Hukumar Mangu nan take.
Gwamna Caleb Mutfwang ya sanya dokar ce sakamakon ci gaban hare-hare da sauran matsalolin tsaro da suka yi ajalalin daruruwan mutane a karamar hukumar daga karshen shekarar da ta gabata.
Daraktan yada labaran gwamnan, Gyang Bere, ya sanar cewa, “Gwamna Mutfwang ya dauki matakin ne bayan ganawa da hukumomin tsaron da suka dace kuma dokar za ta ci gaba da aiki a karamar hukumar har sai abin da hali ya yi.”
Sanarwar ta umarci jam’a su bi dokar sau da kafa, sannan su ba wa jami’an tsaro hadin kai wajen fallasa bata-gari domin a samu zaman lafiya a karamar hukumar.
- Hamas ta yi wa sojojin Isra’ila kisa mafi muni a rana guda a Gaza
- Uba ya kashe dansa kan tutar jam’iyyar siyasa
Gwamnan ya ba wa al’ummar hakuri bisa takurar da suka shiga a sakamakon dokar, wadda ya ce za a sassauta a lokacin da ya dace.
