✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Hausa ta tarar da zamani

Kalmomin da zamani ya samar da su a harshen Hausa tsakanin matasa.

Akwai wasu kalmomi na Ingilishi da mutanen wannan zamani, musamman matasa, kan yi amfani da su a “Hausance”.

Galibi ba a riga an ari wadannan kalmomi ba a yadda matasan ke amfani da su domin akwai wasu na Hausa da ake fassara su da su ko kuma an riga an are su amma fasalinsu ya sha bamban da yadda ’yan zamani ke amfani da su.

Ga kadan daga cikin wadannan kalmomi – ku ziyarci shafukanmu na sada zumunta ku kara wadanda kuka sani ba mu ambata ba.

  1. Wasannin motsa jiki

Gola (mai tsaron raga)

Jesi (= “jersey” – rigar wasa)

Tima-timai (jam’in “team” = kungiya ko tawagar ’yan wasa)

Kuloblika (jam’in kulob = “club” – a sahihiyar Hausa kulob-kulob)

  1. Nishadi

Furodusa (mai shirya shiri/fim ko wani abu mai kama da haka)

Darakta (mai ba da umarni a fim/shirin talabijin ko rediyo)

Albom (= “album” – jerin wakoki a faifai)

Ya/ta danse (daga “dance” – rawa)

  1. Ilimi/Karatu

Lakca (= “lecture” – darasi)

Lakcara (= “lecturer” – malami a makarantar gaba da sakandare)

Santoci (jam’in “centre”, wato cibiya [ta bincike ko matattara bayanai ko wurin jarrabawa])

 

  1. Siyasa

Kamfe (= “campaign” – yakin neman zabe)

Ciyama(n) (= “chairman” – shugaban jam’iyya/karamar hukuma)

Honorabul/Honorabil (= “honourable”)

Tenuwa (= “tenure” – wa’adin mulki)

Kansila (=councillor – dan majalisar karamar hukuma)

Mamba (=member – dan majalisa/dan kwamiti/dan kungiya)

 

  1. Tattalin Arziki/Kasuwanci

Dila (=dealer – dillali, mai sayo kaya da yawa don ya sayar)

Diloli (=jam’in dila)

Bajet (=budget – kasafin kudi)

Zamantakewa

Momsi (= “mummy”, “mum”, “mom” – mahaifiya)

Cika (= “chick” – budurwa)

Lobayya (daga “love” – soyayya).