✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto

Ranar Lahadi ce 1 ga watan Rabi’ul Auwal – Sarkin Musulmai

Mai alfarma Sarkin Musulmi,  Alhaji Muhammad Sa’ad Abubakar ya ayyana Lahadi 18 ga watan Okotoba 2020 a matsayin 1 ga watan Rabi’ul Auwal, 1442 bayan…

Mai alfarma Sarkin Musulmi,  Alhaji Muhammad Sa’ad Abubakar ya ayyana Lahadi 18 ga watan Okotoba 2020 a matsayin 1 ga watan Rabi’ul Auwal, 1442 bayan Hijira.

Sarkin, wanda kuma shine shugaban Majalisar Koli ta Harkokin Addinin Musulunci ta Najeriya ya bayyana hakan ne a cikin wata sanarwa da ya fitar ranar Asabar a Sakkwato.

Takardar sanarwar da shugaban Kwamitin Ganin Wata na fadar Sarkin Musulmi, Farfesa Sambo Wali Junaid ya sanyawa hannu kuma aka rabawa manema labarai ya ce kwamitin cikin gida dana kasa sun samu labarin ganin wata kuma Sarkin musulmi ya aminta da sahihancin ganin.

Rabi’ul Auwal dai shine wata na uku a tsarin kalandar Musulunci zai soma Lahadi bisa ga sahihancin fitar watan da aka samu.