Mahara sun kashe wasu mutum 10 a yayin da suke tsaka da sallar Magriba a cikin masallaci a kasar Jamhuriyar Nijar.
’Yan bindigar sun yi wa kauyen Abankor da ke Jihar Tillaberi dirar mikiya ne a kan babura da yammacin ranar Laraba.
- Da ya kashe ubansa saboda naman kaza
- Siyasar Kano: Taron Shekarau da wasu jiga-jigan APC ya tada kura
“Maharan sun isa kauyen ne a kan babura ana tsakiyar Sallar Magriba suka bude wa masallata wuta,” a cewar wani ganau.
Jihar Tillaberi, inda kauyen Abankor yake a Jamhuriyar Nijar na makawabtaka da kasashen Mali da kuma Burkina Faso.
Hare-haren ’yan bindiga na ta karuwa a yankin tun farkon wannan shekara, musamman a yankunan iyakar jihar da kasashe makwabata.
Majalisar Dinkin Duniyata yi gargadi a farkon watan Oktoba cewa mutun 600,000 mazauna Tillaberi na fuskantar matsalar karancin abinci.
