’Yan sanda sun cafke wani matashi kan zargin sace wani yaro mai shekara tara a duniya daga makaranta, don karbar kudin fansa.
Mai magana da yawun hukumar ’yan sandan Najeriya, Frank Mba ne ya bayyana hakan ga manema labarai a Abuja.
- Soumana Boura: Faransa ta kashe jagoran kungiyar IS na Nijar
- Gobara ta kone kamfanin sayar da kayan gado a Kano
Frank Mba, ya ce matashin ya dauki yaron daga makaranta inda ya shaida masa cewar iyayensa ne suka turo shi ya dauke shi zuwa makarantar koyon ilimin kwammfuta.
Mba ya ce daga nan matashin ya rike yaron a wajensa har sai da iyayen yaron suka biya shi miliyan N1.5 kudin fansa.
Ya ce an yi nasarar kubutar da yaron sannan an mika shi ga iyayensa, bayan biyan matashin kudin.
Kazalika, ya ce an yi nasarar cafke matashin bayan shigar da kara da iyayen yaron suka yi kan batan dan nasu.
