Tsaron Katsina: Za mu dora daga inda Masari ya tsaya —APC

Jam’iyyar APC mai mulkin Jihar Katsina ta yi alkawarin dorawa daga inda ta tsaya a fannin tsaro idan ta ci zaben gwamnan jihar da ke tafe.

Dan takarar gwamnan jihar a Jami’ar APC, Dikko Dikko Umar Radda, ne ya yi alkawarin a taron a Zauren Al’Umma na Katsina wanda kamfanin Media Trust tare da hadin gwiwar Cibiyar Cigaban Dimokuradiyya  (CDD) da wasu kafafen yada labarai suka shirya.

• Ku ji tsoron Allah a alkawuranku —Lugga ga ’yan takarar gwamnan Kastina 
• Gwamnan Yobe ya ba Gwarzuwar Musabaka ta Kasa kyautar gida
• A watan Maris za a fara hako man fetur a Jihar Nasarawa – NNPC

Dikko Radda, wanda abokin takararsa, Faouq Lawal Jobe, ya wakilta ya bayyana cewa su biyun suna da kwarewa, kasancewarsu malaman makaranta, ma’aikatan banki kuma wadanda suka taka rawa a gwamnatin mai ci daga shekarar 2015.

Ya ce zasu zasu maida hankali wajen inganta tsaro, ilmi da kuma kiwon lafiya da sauran fannonin rayuwa.