Yadda ake yin ‘doughnut’

Assalamualaikum! A yau nazo muku da yadda ake hada doughnut cikin sauki.

Doughnut abun ci ne ake yi da fulawa da sauran kayan hadi domin marmari, tarbar baki, ko sana’a.

• Kayan hadi:

1. Fulawa kofi 2
2. Gishiri cokali 2
3. Sukari kofi 1
4. Kwai 2
5. Bota cokali 2
6. Yis cokali 2
7. Ruwa rabin kofi

• Yadda ake hadawa

1. Da farko za a sa ruwan dumi cikin kofi daya da rabi sannan a zuba yis da sukari a ciki.
2. A rufe ruwan a ajiye shi na tsawon mintoci 15.
3. A zuba fulawa, sukari da gishiri a kwano, sannan a fasa kwai a ciki.
4. Daga nan sai a kawo hadin yis din a zuba a kai.
5. Sai a sa bota a buga shi sosai saboda doughnut na bukatar bugawa sosai.
6. Bayan haka sai a rufe a ajiye shi a wuri mai dumi.
7. Idan ya tashi sai a sake bugawa a fitar da fasalin da aka bukata a bar shi na tsawon mintoci 15.
8. Daga nan kuma sai a fara soyawa.

Yadda ake doughnut ke nan a cikin sauki.