WhatsApp ya sake daukewa tsawon mintuna ba ya aiki

Manhajar sadarwa ta sada zumunta ta WhatsApp ta sake samun matsala inda ta tsaya da aiki na tsawon mintuna a ranar Laraba.

Wannan dai ba shi ne karon farko da manhajar ta sada zumunta ta samu matsala ba.

• Tinubu ya bai wa Abdullahi Abbas muƙami
• Buhari ya kai wa Mangal ziyarar ta’aziyyar matarsa

A shekarar da ta gabata manhajar ta samu matsala a kasashe da dama ciki har da nahiyar Turai.

Lamarin da ya sanya miliyoyin mutane samun tsaikon tura sako ko karbar sako.

Kamfanin WhatsApp ya wallafa wani rubutu a shafinsa na Twitter, inda ya bayyana cewar yana aiki tukuru don daidaita komai game sa manhajar.

Sai dai bayan shafe tsawon kusan minti 20 zuwa sama manhajar ta dawo aiki.

A wannan karo ma bincike ya gano cewar daina aiki manhajar ya shafi kasashe da dama na duniya da ke amfani da kafar sada zumuntar.