Rundunar ’Yan Sandan Jihar Legas ta kama mawakin nan Azeez Fashola, wanda aka fi sani da Naira Marley, bisa zarginsa da hannu a mutuwar mawaki Ilerioluwa Aloba (Mohbad).
Kakakin rundunar a Jihar, Benjamin Hundeyin ne ya tabbatar da hakan a cikin wata sanarwa da daren Talata.
- Matasan Yobe sun yi zanga-zanga kan yawaitar fyade da satar mutane a Arewa
- DSS ta kama matashiyar da ta yi barazanar dasa wa su Kashim Shettima bam a Kano
“Azeez Fashola wanda aka fi sani da Naira Marley yanzu haka yana hannunmu muna yi masa tambayoyi da sauran bincike,” kamar yadda Benjamin ya wallafa a shafinsa na X (Twitter a da).
Bayan mutuwar ta Mohbad a ranar 12 ga watan Satumba dai an birne shi kashegari, an yi wa Naira Marley da Sam Larry da wasu saboda zarginsu da hannu a mutuwar tasa.
To sai dai Naira Marley ya nesanta kansa daga kowanne irin zargi da mutuwar tsohon yaron nasa a da, ya inda ya ce ba ma ya kasar lokacin da aka yi mutuwar.
