Kawo yanzu kungiyoyi takwas ne za su ci gaba da Gasar Zakarun Turai ta Champions League da Europa League na bana a zagayen kwana-final.
An dai raba jadawalin ci gaba da zagayen na gaba a wannan Juma’ar a birnin Nyon na Switzerland.
- Abubuwan da suka faru bayan kwana 750 da soma yaƙin Rasha da Ukraine
- Yadda aka yi wa Bakano ruwan N250m saboda mayar da kuɗin tsintuwa
Yayin fitar da jadawalin, babu maganar fifita wata kungiya kan kwazonta, kuma kungiyoyi daga kasa daya za su iya fuskantar juna a fafatawar da za a yi gida da waje a zagaye na kwata fainal.
Ana sa ran buga wasan karshe na Champions League a filin Wembley ranar Asabar 1 ga watan Yuni.
Ga dai yadda jadawalin kwata-final na Champions League ya kaya:
Arsenal v Bayern Munich
Atletico Madrid v Dortmund
Real Madrid v Manchester City
Paris St-Germain v Barcelona
Ga kuma jadawalin Europa League:
AC Milan v Roma
Bayer Leverkusen v West Ham
Benfica v Marseille
Liverpool v Atalanta
Za a yi karawar farko ta Europa League a ranar 11 ga watan Afrilu inda karawa ta biyu kuma za a yi a ranar 18 ga watan na Afrilu.
A ranar 2 ga watan Mayu za a buga wasan zagayen kusa da ƙarshe, sai kuma wasa na biyu na zagayen kusa da ƙarshe a ranar 9 ga watan Mayu.
