Dan wasan gaban Ingila, Jamie Vardy ya tsawaita kwantiragin ci gaba da taka leda a Leicester City zuwa karshen kakar 2024.
A watan Mayun da ya gabata ne Vardy mai shekara 35, ya cika shekara 10 a kungiyar King Power, inda ya ci kwallo 133 a Firimiyar Ingila cikin wasa 272 da ya haska.
- Buhari yana aikin tituna guda 26 a jihar Kano kawai – Minista
- NBC ta tsawaita wa’adin biyan bashi ga kafofin labaran da ta soke lasisinsu
Ya zura kwallo 24 a kakar wasanni ta 2015-16, inda kungiyar ta daga Firimiyar sannan ta kuma lashe kofin kalubale na FA.
A kakar ce Vardy wanda ya koma Leicester City daga Fleetwood a 2012, ya buga gasar Zakarun Turai, bayan cin Firimiyar Ingilar ta ba–zata.
Kafin wannan sabon kwantaragi, yarjejeniyar Vardy za ta kare a King Power a karshen kakar 2023, wanda aka yi ta alakanta shi da zai komawa Manchester United.
Vardy ya lashe takalmin zinari na yawan cin kwallaye a gasar Firimiyar Ingila a kakar 2019/20, lokacin da ya zira kwallaye 23 a raga.
