Wani magidanci ya rataye kansa a yankin Jimeta da ke Jihar Adamawa.
An tsinci gawar magidancin da ake zargin ya rataye kansa ne a gidnasa da ke kusa da ke garin.
Wasu shaidu sun ce mutumin yana zaune tare da ’ya’yansa mata uku ne a cikin wani kango, tun bayan rabuwarsa da matarsa shekaru uku da suka gabata.
Zuwa lokacin da muka samu wannan rahoto dai hukumomin jihar ba su ce komai kan lamarin ba.
- Kotun Koli ta tabbatar da tuhumar ta’addanci kan Nnamdi Kanu
- Yadda tsadar magunguna ke jefa marasa lafiya cikin kunci
Amma dai an dauke gawar zuwa dakin ajiyar gawa kafin a yi mata jana’iza.
Karo na biyu ke nan da mutane suka kashe kansu a unguwar a cikin ’yan kwanakin nan.
A kwanakin baya wata ma’aikatar lafiya mai shekara 22 a yankin ta kashe kanta bayan rasuwar saurayinta a yankin.
