Daya daga cikin matan attajirin nan na Jihar Kano, Alhaji Aminu Dantata, Hajiya Rabi Dantata, ta rasu.
Marigayiyar wacce aka fi sani da Mama Rabi dai ita ce mahaifiyar fitaccen dan kasuwar nan, Tajuddeen Dantata.
- Wadanda suka sace mutum 100 a Zamfara na neman miliyan 60 a matsayin kudin fansa
- Ramadan: Kamar bara, bana ma ’yan sanda sun hana Tashe a Kano
Majiyoyi daga iyalan marigayiyar sun ce ta rasu ne ranar Asabar a wani asibiti da ke birnin Jiddah na kasar Saudiyya.
Ta rasu tana da shekara 70, bayan fama da gajeruwar jinya.
Daga cikin ’ya’yan da ta bari akwai Tajjuddeen Dantata da Batulu Dantata da Hafsa Dantata da Jamila Dantata da kuma Aliya Dantata, da kuma jikoki masu yawa.
