Ofishin Ayyukan Jinkai na Majalisar Dinkin Duniya a yankin Falasdinawa ya ce karancin man fetur na barazanar kawo karshen ayyukan agajin da yake gudanarwa a Zirin Gaza a daren Laraba.
Ofishin ya bayyana cewa rashin man na barazanar sa asibitoci su daina aiki, mako biyu bayan Isra’ila ta hana shiga ko fita daga irin Gaza.
- Ana tsananin buƙatar man fetur saboda ayyukan asibitoci a Gaza — MDD
- An tsare ta a kurkuku kan kisan jiririn kishiyarta
- An yanke wa likitan da ya yi wa ’yar uwar matarsa fyade daurin rai da rai
A daren Talata jirage marasa matuka na Isra’ila suka kai hari a sansanin ’yan gudun hijira na Jenin da ke yankin Falasdinawa da ke Gabar Yammacin Kogin Jordan, inda suka kashe Falasdinawa.
Kawo yanzu adaddin Falasdinawan da Isra’ila ta kashe daga ranar 7 ga wata ta fara luguden bama-bamai a Zirin Gaza ya haura 5,700, yawancinsu mata da kananan yara.
Al’ummomi a sassan duniya na ci gaba da zanga-zangar Allah-wadai da kisan gillan da Isra’ila ke yi a Gaza a mako uku da suka gabata.
Sakatare-Janar na Majalisar Dinkin Duniya, Antonio Gutteres ya zargi Isra’ila da karya dokokin kasa da kasa a mamayar da take yi Zirin Gaza.
