Tsohon Minista a Ma’aikatar Ilimi ta Najeriya, Farfesa Jerry Agada ya riga mu gidan gaskiya.
Da safiyar Talata Farfesa Agada ya rasu bayan gajeruwar rashin lafiyar da kwantar da shi na mako guda a Asibitin Gwamnatin Tarayya da ke Makurdi, Jihar Binuwai.
- Mutumin da ya kera kofar Dakin Ka’aba ya rasu
- An kara lokacin rajisatar lambar dan kasa da layin waya
- Yadda ’yan Najeriya ke wahala don yin rajistar Katin Dan Kasa
Makusantan iyalan tsohon Ministan Ilimin sun tabbatar da rasuwar a zantawarsu da wakilinmu ta waya.
Mamacin ya bar duniya ne yana da shekara sittin da takwas.
Kafin rasuwar Farfesa Agada, shi ne Shugaban Hukumar Ma’aikatan Gwamnati ta Jihar Binuwai.
Shi ne kuma tsohon Shugaban Kungiyar Mawallafa ta Najeriya (ANA).
