Gwamna Abdullahi Umar Ganduje na Jihar Kano, ya ziyarci Shugaban Kasa Muhammadu Buhari a fadarsa ta Villa da ke birnin Abuja.
Gwamna Ganduje da Yammacin ranar Litinin ya gabatar wa Shugaban Kasar zanen gadar da yake shirin ginawa a birnin Kano wacce tuni an sanya mata suna ‘Gadar Muhammadu Buhari’.
Ana sa ran fara ginin sabuwar gadar mai hawa uku a kan titin Hotoro a shataletalen gidan man NNPC da ke Karamar Hukumar Tarauni.
