Al’ummar Musulmai na gudanar da tattaki don nuna murna da zagayowar ranar haihuwar Manzon Allah (S.A.W) a Babban Birnin Tarayya, Abuja.
Tuni dai Musulmi suka shiga murna don tunawa da Maulidin fiyayyen halitta Annabi Muhammad (S.A.W).
- Farashin shinkafa zai iya faduwa kwanan nan a Najeriya
- Jakadan Faransa ya fice daga Nijar zuwa kasarsa
Gwamnatin Tarayya, yayin da ta ke taya daukacin al’ummar Musulmi na gida da kuma na kasashen waje murnar ranar, ta bukaci ’yan Najeriya da su kasance masu hakuri da juriya tare da koyi da kyawawan dabi’u na Manzon Allah (Sallallahu Alaihi Wasallam).
Kazalika, Gwamnatin ta ayyana ranar Laraba a matsayin hutu don bai wa Musulmi damar gudanar da bikin zagayowar ranar haihuwar.
