Kabiru Rurum ya ci zabe bayan komawarsa NNPP

Dan Majalisar Tarayya mai wakiltar Rano/Kibiya/Bunkure a Jihar Kano ya yi nasarar lashe zabe bayan sauya sheka daga APC zuwa NNPP.

Kabiru Alhassan Rurum, tsohon Shugaban Majalisar Dokokin Jihar Kano ne kafin ya zama dan Majalisar Tarayya.

• An kayar da ’yan Majalisar Wakilai 2 a Ondo
• Bata-gari sun cinna wa ofishin INEC wuta a Kano

Jami’in bayyana sakamakon zabe, Farfesa Suleiman Yusuf Mudi ya sanar cewa jam’iyyar NNPP ta samu kuri’u 50,160.

Jam’iyyar APC ce ta zo ta biyu kuri’u 35,235 yayin da PDP ta samu 2,234.